ଟ୍ରକ ଧକ୍କାରେ ଯୁବକର ମୃତ୍ୟୁ

କୁକୁଡ଼ାଖଣ୍ଡି୧୩/୮(ଓଡିଆନ ମିଡ଼ିଆ):କୁକୁଡ଼ାଖଣ୍ଡି ବ୍ଲକ ସଦରଥାନା ଅନ୍ତର୍ଗତ ଗୁରୁଣ୍ଠି ରୋଡ଼ରେ ଜଣେ ଯୁବକଙ୍କୁ ଟ୍ରକ ଧକ୍କା ଦେବା ଫଳରେ ଘଟଣା ସ୍ଥଳରେ ହିଁ ତାର ମୃତ୍ୟୁ ହୋଇଥିବା ସୂଚନା ମିଳିଛି ।  ଘଟଣା ସମ୍ପର୍କରେ ଜାଣିବାକୁ ମିଳିଛି ଯେ,ନୂଆଁ ଯୁଗୀଅପଲ୍ଲୀ ଗ୍ରାମର ପ୍ରଦୀପ କୁମାର ସାହୁ(୪୪) ଗୁରୁବାର ସକାଳ ୯ ଘଣ୍ଟା ସମୟରେ କୌଣସି କାର୍ଯ୍ୟରେ ଗୁରୁଣ୍ଠି ଗ୍ରାମ ଯାଉଥିଲେ ଏହି ସମୟରେ (ଓଆର୧୬ସି୨୫୮୭)ନମ୍ବର ବିଶିଷ୍ଟ ଏକ ଟ୍ରକ ପ୍ରଦୀପଙ୍କୁ ଧକ୍କା ଦେଇଥିଲା । ଯାହା ଫଳରେ ଘଟଣା ସ୍ଥଳରେ ହିଁ ପ୍ରଦୀପର ପ୍ରାଣ ବାୟୁ ଉଡିଯାଇଥିଲା ।  ଏହି ଘଟଣା ସମ୍ପର୍କରେ ଖବର ପାଇ ନିମଖଣ୍ଡି ଫାଣ୍ଡି ଅଧିକାରୀ ଧୋବା ସ୍ୱାଇଁ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିବା ସହ ମୃତ୍ୟୁ ବରଣ କରିଥିବା ପ୍ରଦୀପର ଶବକୁ ଉଦ୍ଧାର କରି ବ୍ରହ୍ମପୁର ଏମକେସିଜି ମେଡିକାଲକୁ ବ୍ୟବଚ୍ଛେଦ ନିମନ୍ତେ ପଠାଇଥିବା ଜାଣିବାକୁ ମିଳିଛି । ତେବେ ଏହି ଘଟଣାରେ ସଦର ଥାନାରେ ୨୨୩/୨୦ ରେ ଏକ ମାମଲା ରୁଜୁ କରି ତଦନ୍ତ ଜାରି ରଖିଥିବା ନେଇ ଫାଣ୍ଡି ଅଧିକାରୀଙ୍କ ଠାରୁ ସୂଚନା ମିଳିଛି ।  ତେବେ ଦୁର୍ଘଟଣା ଘଟାଇଥିବା ଟ୍ରକ ଡ୍ରାଇଭର ଘଟଣା ସ୍ଥଳରୁ ଚମ୍ପଟ ମାରିଥିବା ବେଳେ ଟ୍ରକ୍ ମାଲିକ ଗୁରୁଣ୍ଠି ପଞ୍ଚାୟତର ଜଣେ ପୂର୍ବତନ ସରପଞ୍ଚ ଅଟନ୍ତି ବୋଲି ଜାଣିବାକୁ ମିଳିଛି ।