ତ୍ରୀନାଥ ବଜାର ବ୍ୟବସାୟୀଙ୍କୁ ମାଡ ଘଟଣାରେ ଆଉଜଣେ ଗିରଫ

ରାଜନଗର,୨୬ା୮ ; ରାଜନଗର ବ୍ଲକ ହଂସୁଆ ସେତୁ ନିକଟ ତ୍ରୀନାଥ ବଜାରରେ ଗତ ୧୨ତାରିଖରେ ଜଣେ ବ୍ୟବସାୟୀଙ୍କୁ ମାଡ ଘଟଣାରେ ସଂପୃକ୍ତ ଆଉଜଣେ ଅଭିଯୁକ୍ତକୁ ପୋଲିସ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ଜଣକ କ୍ଷତ୍ରବାସୀ ସେଠୀ (ଦଶୁଆ) । ଏହି ଘଟଣାର ମୁଖ୍ୟ ଆସାମୀ କୁହାଯାଉଥିବା ବାପିସେଠୀକୁ ପୋଲିସ ଏଯାଏ ଧରିପାରିନାହିଁ। ସୂଚନା ଯୋଗ୍ୟ ଗତ୧୨ତାରିଖ ଦିନ ତ୍ରୀନାଥ ବଜାରରେ ପଟ୍ଟାମୁଣ୍ଡାଇ ଥାନା କାକୁଡିପଲ୍ଲୀ ଗାଁର ବାପି ସେଠୀ ଜଣେ ଅଚିହ୍ନା ଲୋକକୁ ବିନା କାରଣରେ ମାଡ ମାରୁଥିବା ଦେଖି ବ୍ୟବସାୟୀ ପ୍ରଦୁୁ୍ୟମ୍ନ ସାହୁ(ବାବୁ)ଏହାକୁ ବିରୋଧ କରିଥିଲେ । ବାପି ରାଗିଯାଇ ପ୍ରଦ୍ୟୁମ୍ନକୁ ଅଶ୍ଲୀଳ ଭାଷାରେ ଗାଳିଗୁଲଜ କରିବା ସହ ରାଜନଗର ବଜାରରୁ କିଛି ଯୁବକଙ୍କୁ ଡକାଇନେଇ ତାଙ୍କ ଘରେପଶି ପ୍ରଦ୍ୟୁମ୍ନ ଓ ତାଙ୍କ ପୁଅଙ୍କୁ ମାଡ ମାରିଥିବା ନେଇ ରାଜନଗର ଥାନାରେ ଅଭିଯୋଗ ହୋଇଥିଲା । ପୋଲିସ ଅଭିଯୁକ୍ତ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ଅଭିଯୋଗ କରି ରାସ୍ତାକୁ ଓହ୍ଲାଇଥିଲା । ଏହାକୁ ନେଇ ତ୍ରୀନାଥବଜାର ବଣିକ ସଙ୍ଘ ସେମାନଙ୍କ ଗିରଫ ଦାବିକରି ଦୁଇଥର ବଜାର ବନ୍ଦ କରିବା ସହ ରାସ୍ତାରୋକ କରିଥିଲେ । ପୋଲିସ ଏହି ଘଟଣାରେ ପୂର୍ବରୁ ରାଜନଗର ବଜାରର କାଳିଆ ସେଠୀ ନାମକ ଯୁବକକୁ ଗିରଫକରି କୋର୍ଟ ଚାଲାଣ କରିଛି ।