କଙ୍ଗନାଙ୍କ ବିରୁଦ୍ଧରେ ଡ୍ରଗ୍ସ ମାମଲାର ତଦନ୍ତ ଆରମ୍ଭ କରିବ ମହାରାଷ୍ଟ୍ର ସରକାର

ମୁମ୍ବାଇ ୧୧/୦୯: ଦିନକୁ ଦିନ କଙ୍ଗନାଙ୍କ ଅସୁବିଧା କମିବା ବଦଳର ବଢ଼ି ଚାଲିଛି। ପ୍ରଥମେ ବିଏମସି କଙ୍ଗନାଙ୍କ ଅଫିସକୁ ଭାଙ୍ଗିଲା ଆଉ ଏବେ ଡ୍ରଗ୍ସ ମାମଲାର ତଦନ୍ତ ଆରମ୍ଭ କରିଛି। ଏ ସବୁ ଭିତରେ ମହାରାଷ୍ଟ୍ର ସରକାର ଓ ଅଭିନେତ୍ରୀ କଙ୍ଗନାଙ୍କ ମଧ୍ୟରେ ଏବେ ବି ବିବାଦ ଜାରି ରହିଛି। ଏବେ ମୁମ୍ବାଇ ପୋଲିସ ତାଙ୍କ ବିରୋଧରେ ଡ୍ରଗ୍ସ ମାମଲାର ତଦନ୍ତ ଆରମ୍ଭ କରିଛି। ମାମଲାର ତଦନ୍ତ ପାଇଁ ମହରାଷ୍ଟ୍ର ସରକାରଙ୍କ ପକ୍ଷରୁ ମୁମ୍ବାଇ ପୋଲିସକୁ ଅନୁମତି ମିଳିଛି। ଏବେ ତଦନ୍ତ କାର୍ଯ୍ୟ ଆରମ୍ଭ ହୋଇଛି। ତେବେ ଏବେ ସୁଦ୍ଧା ସ୍ପଷ୍ଟ ତଥ୍ୟ ମିଳିପାରି ନାହିଁ ଯେ ମୁମ୍ବାଇ ପୋଲିସ୍ ଏ ନେଇ କିଛି ସ୍ବତନ୍ତ୍ର ଟିମ୍ ଗଠନ କରିଛି କି ନାହିଁ। ମାମଲା ନାରକୋଟିକ୍ସକୁ ହସ୍ତାନର କରାଯାଇଛି କି ନାହିଁ ସେ କଥା ମଧ୍ୟ ଜଣାପଡ଼ି ନାହିଁ।