ଜଗତସିଂହପୁର: ପଶ୍ଚିମବଙ୍ଗରେ ଡାକ୍ତରୀ ଛାତ୍ରୀଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ସାରା ଦେଶରେ ଏବେ ପ୍ରତିବାଦ ଜୋର ଧରିଛି I ଜଣେ ମହିଳା ଡାକ୍ତରଙ୍କ ପ୍ରତି ହୋଇଥିବା ଅମାନବୀୟ ଓ ବର୍ବର କାଣ୍ଡ ପାଇଁ ଏବେ ସାରା ଦେଶରେ ପୀଡ଼ିତାଙ୍କ ନ୍ୟାୟ ପ୍ରଦାନ କରିବା ନିମନ୍ତେ କଲେଜ ଛାତ୍ର ଛାତ୍ରୀ ମାନେ କ୍ୟାଣ୍ଡଲ ଶୋଭାଯାତ୍ରା କରି ବିକ୍ଷୋଭ ପ୍ରଦର୍ଶନ କରିଛନ୍ତି I ସେହିଭଳି ଆଜି ଜଗତସିଂହପୁର ଜିଲ୍ଲା ସଦର ମହକୁମା ସ୍ଥିତ ସ୍ବାମୀ ବିବେକାନନ୍ଦ ସୋୟଂ ଶାସିତ ମହାବିଦ୍ୟାଳୟର ଛାତ୍ର ଛାତ୍ରୀ ମାନେ କଲେଜ ପରିସରରୁ ଏକ କ୍ୟାଣ୍ଡେଲ ଶୋଭାଯାତ୍ରାରେ ବାହାରି ସହର ପରିକ୍ରମା କରି କଲେଜ ପରିସରରେ ପହଞ୍ଚି ଥିଲା। ପିଡ଼ିତାଙ୍କ ପରିବାରକୁ ନ୍ୟାୟ ଓ ସମ୍ପୃକ୍ତ ଅଭିଯୁକ୍ତ ମାନଙ୍କୁ ଫାସି ପରି କଠୋର ଦଣ୍ଡ ଦିଆଯିବା ନେଇ ଦାବି ରଖିଥିଲେ ତା ସଙ୍ଗେସଙ୍ଗେ ଦେଶରେ ବିଭିନ୍ନ ସରକାରୀ ବେସରକାରୀ ସଂସ୍ଥା ରେ କାର୍ଯ୍ୟ କରୁଥିବା ଝିଅ ମହିଳା ମାନେ ସୁରକ୍ଷିତ ନୁହଁନ୍ତି।ଯଦି ଗୋଟିଏ ଝିଅ ନିଜ କର୍ମକ୍ଷେତ୍ରରେ ଏଭଳି ଅତ୍ୟାଚାରର ଶିକାର ହେଇଛନ୍ତି ତେବେ କର୍ମକ୍ଷେତ୍ରରେ କିଭଳି କାର୍ଯ୍ୟ କରିବେ ବୋଲି କଲେଜ ଛାତ୍ରୀ ମାନେ ପ୍ରଶ୍ନ ଉଠାଇ ଛନ୍ତି।ବିଭିନ୍ନ ସରକାରୀ ଓ ବେସରକାରୀ ସଂସ୍ଥା ରେ କାର୍ଯ୍ୟ କରୁଥିବା ମହିଳା ଓ ଝିଅ ମାନଙ୍କ ସୁରକ୍ଷା ପାଇଁ ଏବେ ସ୍ୱତନ୍ତ୍ର ଆଇନ ଲାଗୁ କରିବା ଓ ଅଭିଯୁକ୍ତ କୁ ତୁରନ୍ତ ଦଣ୍ଡ ବିଧାନ କରିବା ପାଇଁ ଛାତ୍ରୀ ମାନେ ଦାବି କରିଛନ୍ତି।
145