ରାମମନ୍ଦିର ଭୂମିପୂଜା ପାଇଁ ଶ୍ରୀବଳଦେବଜୀଉଙ୍କ ପୀଠରୁ ସେବକଙ୍କ ମଙ୍ଗଳାଆଳତୀ

କେନ୍ଦ୍ରାପଡା ୫/୮( ଓଡିଆନ ମିଡିଆ‌): ତୁଳସୀକ୍ଷେତ୍ର କେନ୍ଦ୍ରାପଡ଼ାର ଆରାଧ୍ୟ ଦେବତା ପ୍ରଭୁ ଶ୍ରୀବଳଦେବଜୀଉଙ୍କ ପୀଠରୁ ରାମ ମନ୍ଦିରର ଭୂମି ପୂଜା ପାଇଁ ସେବକ ମାନେ ଶୁଭକାମନା ଜଣାଇ ପୂଜାର୍ଚ୍ଚନା କରିଛନ୍ତି । ଆଜି ପବିତ୍ର ଭାଦ୍ରବ ତିଥିର ଦ୍ୱିତୀୟା ଦିନରେ ଅଯୋଧ୍ୟା ଠାରେ ଐତିହାସିକ ପ୍ରଭୁ ରାମଙ୍କ ଜନ୍ମମାଟିରେ ମନ୍ଦିର ନିର୍ମାଣ ପାଇଁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭୂମି ପୂଜନ କରିଛନ୍ତି । ଏହି ପବିତ୍ର ଦିନରେ ବଳଦେବଜୀଉଙ୍କ ପୂଜାପଣ୍ଡା ନିଯୋଗ ତରଫରୁ ମହାପ୍ରଭୁ ଅଙ୍ଗଲାଗି ସେବକ ମାନଙ୍କ ଦ୍ୱାରା ଘୃତ୍ୟ ଦ୍ୱୀପ ପ୍ରଜ୍ୱଳନ କରାଯାଇ ମଙ୍ଗଳାଆଳତୀ କରାଯାଇଛି । ଏହା ସହିତ ମନ୍ଦିର କାର୍ଯ୍ୟର ଶୁଭକାମନା କରାଯାଇଛି । ଏହି କାର୍ଯ୍ୟକ୍ରମରେ ପୂଜାପଣ୍ଡା ଜଗନ୍ନାଥ ପତ୍ରୀ, ସରୋଜ କାନ୍ତ ପତ୍ରୀ, ନୃସିଂହ ପତ୍ରୀ, ପ୍ରମୋଦ କର, ବାବାଜୀ ପତ୍ରୀ, ଦିବାକର ପତ୍ରୀ ପ୍ରମୁଖ ଆଳତୀ ପରେ ମହାପ୍ରଭୁ ଶ୍ରୀଶ୍ରୀସିଦ୍ଧ ବଳଦେବଜୀଉଙ୍କ ନିକଟରେ ପ୍ରାର୍ଥନା କରିଛନ୍ତି ।