ମହେଶ ଭଟ୍ଟଙ୍କ ଫିଲ୍ମ ‘ସଡ଼କ -୨’ର ଟ୍ରେଲର ଅଗଷ୍ଟ ୧୨ ତାରିଖରେ ୟୁଟ୍ୟୁବ୍ରେ ରିଲିଜ୍ ହୋଇ ସାରିଛି। ଫିଲ୍ମଟିର ପୋଷ୍ଟର ରିଲିଜ୍ ହେବା ଦିନରୁ ବିବାଦରେ ଛନ୍ଦି ହୋଇପଡ଼ିଥିବା ବେଳେ ଏବେ ୟୁଟ୍ୟୁବ୍ରେ ଟ୍ରେଲରଟି ଟ୍ରେଣ୍ଡ କରୁଛି ସତ ହେଲେ ତାହାକୁ ମିଳିଛି ବଡ଼ ବିଫଳତା । ଏବେ ପର୍ଯ୍ୟନ୍ତ ଏହି ଟ୍ରେଲରକୁ ୫ ମିଲିୟନ୍ ଅର୍ଥାତ୍ ୫୦ ଲକ୍ଷରୁ ଅଧିକ ଡିସ୍ଲାଇକ୍ ମିଳିସାରିଛି। ଯାହାକି ବଲିଉଡ୍ରେ ଚର୍ଚ୍ଚାର ବିଷୟ ପାଲଟିଛି। ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ନେଇ ଅସନ୍ତୋଷ ଥିବା ତାଙ୍କ ଫ୍ୟାନ୍ମାନେ ମହେଶ ଭଟ୍ଟ ନେପୋଟିଜମ୍କୁ ସମର୍ଥନ କରୁଥିବା ଅଭିଯୋଗ କରି ଟ୍ରେଲରକୁ ଡିସ୍ଲାଇକ୍ କରିବାକୁ ପସନ୍ଦ କରିଛନ୍ତି ଓ ସୋସିଆଲ ମିଡିଆରେ ଫିଲ୍ମର ଟ୍ରେଲରକୁ ଡିସ୍ଲାଇକ୍ କରିବା ପାଇଁ କ୍ୟାମ୍ପେନ୍ ଚଳାଇଛନ୍ତି। ସୁଶାନ୍ତଙ୍କୁ ନ୍ୟାୟ ଦେବାକୁ ତାଙ୍କ ଫ୍ୟାନ୍ମାନେ ଏହି କ୍ୟାମ୍ପେନ୍ ଚଲାଇଛନ୍ତି ବୋଲି କୁହାଯାଉଛି। ଫିଲ୍ମର ଟ୍ରେଲରକୁ ଏହି ଦୁଇ ଦିନରେ ୟୁଟ୍ୟୁବରେ ୧୬ ମିଲିୟନ୍ରୁ ଅଧିକ ଲୋକ ଦେଖିସାରିଥିଲେ ମଧ୍ୟ ୩ ଲକ୍ଷ ଲାଇକ୍ ଓ ୫୦ ଲକ୍ଷରୁ ଅଧିକ ଡିସଲାଇକ୍ ମିଳିଛି। ଏବେ ୟୁଟ୍ୟୁବ୍ରେ ‘ସଡ଼କ-୨’ର ଟ୍ରେଲର ସବୁଠାରୁ ଅଧିକ ଡିସଲାଇକ୍ ହୋଇଥିବା ଭିଡିଓ ହୋଇଛି।
୧୯୯୧ ମସିହାରେ ସଞ୍ଜୟ ଦତ୍ତ ଓ ପୂଜା ଭଟ୍ଟଙ୍କୁ ନେଇ ତିଆରି ହୋଇଥିବା ଫିଲ୍ମ ‘ସଡକ୍’ର ସିକ୍ୱେଲ୍ ହେଉଛି ‘ସଡ଼କ-୨’। ଫିଲ୍ମରେ ଆଲିଆ ଭଟ୍ଟ, ତାଙ୍କ ବଡ଼ ଭଉଣୀ ପୂଜା ଭଟ୍ଟ, ସଞ୍ଜୟ ଦତ୍ତ ଓ ଆଦିତ୍ୟ ରୟ କପୁର ଅଭିନୟ କରିଛନ୍ତି। ଅଗଷ୍ଟ ୨୮ ତାରିଖରେ ହଟଷ୍ଟାର୍ରେ ଫିଲ୍ମଟି ରିଲିଜ୍ ହେବାକୁ ଯାଉଛି।
101